गायक रामकृष्ण ढकालको भैसेपाटीमा रहेको घर अन्ततः लिलामिमा पर्ने देखिएको छ । घरजग्गा धितोमा राखी कर्जा लिएर ऋण नतिरेपछि गायक ढकालको घरजग्गा लिलामिमा पर्न लागेको हो । ललितपुरमा रहेको ‘लालीगुँरास बहुउद्देश्यीय सहकारी संस्था लिमिटेड’ले बिहिबार एक राष्ट्रिय दैनिकमा ३५ दिने लिलाम बिक्रीको सुचना प्रकाशित गरेको हो । ३५ दिनभित्र पनि रकम चुक्ता नगरेको खण्डमा ढकालको घर लिलामिमा पर्ने निश्चित छ ।

पत्नी निलम ढकालको नाममा रहेको घरजग्गा धितो राखेर ऋण लिएका ढकालले बारम्बारको सुचनामा पनि अटेर गरेको सहकारीले जनाएको छ । उनले वेवास्ता गरेपछि लिलामिका लागि सुचना जारी गरिएको लालिगुँरास सहकारीले जनाएको छ ।

रामकृष्णको घर लिलामिका लागि लालिगुँरास सहकारीले जेठ २३ गतेको मिति तोकेको छ ।