अघिल्लो वर्ष सन् २०१२ को अन्त्यतिर माइक्रोसफ्ट कम्पनीले बजारमा ल्याएको कम्प्युटर अपरेटिङ सिस्टम विन्डोज एट परिमार्जन हुने भएको छ । पर्सनल कम्प्युटरको सबैभन्दा धेरै चल्तीको अपरेटिङ सिस्टम विन्डोजको पछिल्लो संस्करणप्रति उपभोक्ताको मिश्रति प्रतिक्रियासँगै माइक्रोसफ्टले यसलाई परिमार्जन गर्ने निर्णय गरेको हो ।

                      विन्डोजका मुख्य बजार अधिकृत टमी रेलरका अनुसार कम्पनीले विन्डाज ८ अपरेटिङ सिस्टमको १० करोड भन्दा बढि लाइसेनस बिक्रि गरिसकेको छ र प्रयोगकर्ताको भावनालाई ध्यान दिँदै विन्डोज ८ लाई अपडेट गर्दैछ । त्यसको लागि माइक्रोसफ्टले विन्डोज ब्लु नामक प्रोग्राम ल्याउँदैछ । विन्डोज ब्लु भनेको विन्डोज ८ को अपडेटका लागि एउटा कोड अर्थात् संकेत नामयुक्त सफ्टवेयरको रुपमा हुनेछ जसलाई इन्स्टल गरेसँगै विन्डोज ८ अपडेट हुनेछ । यो वर्षो अन्त्यसम्ममा विन्डोज ब्लु बजारमा पठाइसकिने भन्दै बजार अधिकृत रेलरले नयाँ अपरेटिङ सिस्टम विन्डोज ८ लाई नयाँ पुस्ताका ट्याब्लेट तथा पिसीमा समेत अति उपयोगी बनाउन यस्तो अपडेट गर्न लागिएको दाबी गरिन् । उनका अनुसार माइक्रोसफ्टका लागि विन्डोज ८ र विन्डोज आर टी प्रतिको उपभोक्ताको गुनासो समाधान गर्ने माध्यमको रुपमा पनि विन्डोज ब्लु रहनेछ ।

                विन्डोज ८ प्रति उपभोक्ताले उतिसारो रुचि नदेखाउनु तथा पुरानो विन्डोज एक्सपीमै झुलिरहेका कारण माइक्रोसफ्टले नयाँ अपरेटिङ सिस्टममा उपभोक्तालाई लोभ्याउन बाध्य भएर विन्डोज ब्लु ल्याउन लागेको विश्लेषकहरुको भनाई छ ।

एएफपी