वैशाख २६ -

४ बर्षीया एक नेपाली बालिका बुधबार भारतमा बलात्कृत भएकी छन् । दक्षिण दिल्लीको चिराग दिल्लस्थित आफ्नै घरमा बसिरहेकी उनलाई छिमेकी युवकले फकाएर बलात्कार गरेको प्रहरीले जनाएको छ । भारतको हिन्दुस्तान टाइम्सले समाचारमा उल्लेख गरेअनुसार बालिका घरमा एक्लै बसेको अवस्थामा छिमेकी बिजय नाम गरेका युवकले उनलाई बलात्कार गरेका हुन् । चकलेट दिन्छु भनेर फकाएर ती युवककले बालिका बलात्कार गरेको समाचारमा जनाइएको छ ।

          आरोपी युवक प्रहरी नियन्त्रणमा छन् । घटनापछि भागेका उनलाई प्रहरीले दिल्लीको रेलवे स्टेशनबाट पक्राउ गरेको छ । उनले बालिकालाई अप्राकृति सम्पर्कसमेत गर्न खोजेको प्रहरी भनाई छ । बालिकाको दिएको बयान प्रहरीले रेकर्ड गरेको छ । बालिकाका अभिभावक दैनिक ज्यालादारी मजदुर भएको समाचारमा जनाइएको छ । ती युवक एक रेष्टुरेन्टमा काम गर्ने बुझिएको छ ।