अहिले गर्मीको मौसम छ । गर्मी मौसक विभिन्न खाले स्वास्थ्य समस्याको मौसम पनि हो । झाडापखाला तथा पेटसम्बन्धि समस्या त गर्मी महिनाका पहिचान नै हुन् भन्दा फरक पर्दैन । गर्मी महिनामा खानेकुरा छिटो सड्ने, जिवाणुको संक्रमण बढि हुने र जिवाणुको वृद्धि विकाश बढि हुने भएकाले विभिन्न खाले रोगको जोखिम बढि हुन्छ । त्यसैले गर्मीमा हुने स्वास्थ्य समस्याबाट बच्न खानपानमा निके ध्यान दिनुपर्ने हुन्छ । सुख्खा गर्मीयामको समाप्तिसँगै आउने वर्षायाममा पनि उत्तिकै होसियारी अपनाउनुपर्छ । गर्मी महिनामा ठोस खानेकुरा जतिसक्दो थोरै खानुपर्छ भने तरल पदार्थ जतिसक्दो धेरै खानुपर्छ । गर्मीमा तपसिलका खानेकुरा सकेसम्म नखानुहोस् र खानै परेमा निकै होसियारी अपनाउनुहोस् :

मासु :  रातो मासु, प्रउन जस्ता गर्मी पैदा गर्ने मासुजन्य खानेकुरा पनि गर्मी महिनामा धेरै खानु हुँदैन । यस्तो मासुजन्य पदार्थको बढि सेवनले पेट खराब गर्ने र झाडावान्ता गराउने सम्भावना हुन्छ ।

रोटी :  गहुँको पिठो तथा आटाबाट बनाइएको रोटी गर्मी महिनामा खानु उति लाभदायक मानिँदैन । रोटी पचाउन गाह्रो हुन्छ । त्यसैले बिहानको भोजनमा भात नै खानुहोस् र रोटी खानैपरे बेलुकीको भोजनमा समावेश गर्नुहोस् ।

रोष्ट गरिएका परिकार :  रोष्ट गरिएका मासुजन्य तथा अन्य परिकार पनि गर्मी महिनामा बढि नखानु बेस हुन्छ । गर्मी महिनामा आँप खान सबैलाई मीठो लाग्छ । तर दिनको १।२ गोटाभन्दा बढि आँप खाँदा सरीरमा गर्मी बढ्ने र पेट खराब हुने लगायतका समस्या देखिन सक्छन् । त्यस्तै किशोरकिशोरीले बढि आँप खाएमा डण्डीफोर अधिक आउने समस्या देखिन्छ ।

 आँपलाई चिसो पानीमा रातभर डुबाएर अर्को विहान निकालेर राम्ररी बोक्रा छिलेर खाँदा राम्रो हुन्छ ।गर्मी महिनामा घिउ तथा दुग्धजन्य गर्मी गराउने परिकारको सेवन पनि कम गर्नुहोस् ।

जंक फुड तथा बढि तेल मिसिएका खाद्यपदार्थको सेवन पनि कम गर्नुपर्छ । यस्ता परिकारबाट फूड प्वाइजनिङको सम्भावना बढ्छ ।

सरीरलाई चिसो बनाउन आइसक्रिम तथा कोल्ड डि्रंक्स खाइन्छ । तर सरीर चिसो बनाउने नाममा आइसक्रिम र कोल्ड डि्रंक्स बढि खाँदा त्यसले स्वास्थ्यमा नराम्रो असर पूराउँछ । गर्मीमा चिया र कफी पनि दिनमा १।२ कप भन्दा बढि नखानु नै बेस हुन्छ ।