१२ वैशाख, काठमाडौं

 सर्वोच्च अदालतले सवारी चालक अनुमतिपत्र (लाइसेन्स)को नयाँ ट्रायल व्यवस्था कार्यान्वयन नगर्न अन्तरिम आदेश दिएको छ । यातायात व्यवस्था विभागले मंगलबार मात्र अन्तराष्ट्रिय मापदण्डको नयाँ ट्रायल सुरु गरेको थियो । न्यायाधीश भरतबहादुर कार्कीको एकल इजलासले मंगलबार ७ दिनका लागि तत्कालिन अन्तरिम आदेश दिएको हो । साथै विभागसँग लिखित जवाफ माग्दै इजलासले दुबै पक्षलाई छलफलमा बोलाई १७ गतेको पेशी तोकेको छ । पुरानै व्यवस्था लागू गर्न माग गर्दै क्रिएटिभ ड्राइभिङ स्कुलले सर्वोच्चमा रिट दायर गरेको थियो ।