नेपाली चलचित्र क्षेत्र हल्ला, गसिप र स्क्यान्डलको क्षेत्र हो । पर्दामा देखिने भन्दा बिल्कुलै फरक देखिन्छ पर्दा पछाडि चलचित्र क्षेत्र । पछिल्लो समयका आएका विकृति र विसंगतिले नेपाली चलचित्र क्षेत्र उदेकलाग्दो बनिरहेको छ । यसैक्रममा एक नवनायिकाले नाङ्गो फोटो खिच्न नमानेपछि सिनेमाबाट हात धुनु परेको छ । कमलकृष्णले निर्देशन गर्न लागेको चलचित्र ‘बनाना’को पोष्टरका लागि नाङ्गो फोटो खिच्न नमानेपछि नवनायिका सुष्मिता शाहीले चलचित्रबाट हात धुनु परेको हो ।

कमलकृष्णले यसअघि सुष्मितालाई चलचित्र फूलस्टपमा काम गराएका थिए । ‘फूलस्टपमा छोरी जस्तै गरेर काम गराएको थिएँ, तर अहिले ठूलो भएपछि के गर्नु’ कमलकृष्णले चलचित्रबाट सुष्मितालाई निकाल्नुको कारण दिँदै भने । उनले सुष्मितालाई अरु नै निर्माताले साथ दिन थालेपछि उसको भाउ वढेको प्रतिक्रिया अनलाइनखबरलाई दिएका छन् । उनले भने -’सुटिङको समयमा ऊसँग मोबाइल नभएकाले मैले नै ३१ सय पर्ने मोबाइल किनिदिएको थिएँ । तर अहिले उसँग २१ हजार जाने मोवाइल र ल्यापटप छ ।’ अरुकै कुरा सुनेपछि छोरी जस्तो मानेकी सुष्मिताले आफूलाई धोका दिएको उनको भनाई छ ।‘बनाना’का तीनमध्ये एक नायिकाको रुपमा सुष्मितालाई खेलाउने तयारी कमलकृष्णले गरेका थिए । ‘तर अन्तिम समयमा आएर उसले धोका दिइ’ अनलाइनखबरसँग उनले भने । तर नायिका शाही भने आफुलाई चलचित्रको पोष्टरका लागि नाङ्गो तस्वीर खिच्न भनेपछि सिनेमा छोडेको बताउँछिन् । उनले भनिन् -’मेरो कपालले मेरो पुरै शरीर ढाक्नुपर्ने फोटो म कसरी खिच्न सक्छु, यही भएर सिनेमा छोडें ।’

      सिनेमा छोडेको स्टाटस फेसबुकमा लेखेपछि कमलकृष्णले आफूलाई गाली गरेको उनको भनाइ छ । कमलकृष्णले आफूलाई तँ ठूलो मान्छे भैछस्, आफ्नो औकात देखाइस् भन्दै गाली गरेको उनको भनाइ छ । ‘म सिनेमा क्षेत्रमा जम्दै गरेको नव कलाकारले कसरी यस्तो फोटो खिच्न सक्छु’ शाहीले भनिन् । केराको कथामा बन्न लागेको ‘बनाना’मा गीतकार अनु शाहले एकल शब्द कोरेकी छिन् । आफ्नो चलचित्रमा आफै शब्द लेख्ने कमलकृष्णले यसपटक शाहलाई मौका दिएका हुन्