मेघा ब्यानरको फिल्म "लज्जा" को अफिसियल ट्रेलर

मेघा ब्यानरको प्रतिक्षित फिल्म लज्जाको अफिसियल ट्रेलर सार्वजनिक गरिएको छ । आर्यन सिग्देल र शिल्पा पोखरेलको अभिनय रहेको फिल्मको ट्रेलरमा पनि यी दुई कलाकार नै हाबी छन । ट्रेलर हेर्दा फिल्मको कथा प्रेम, सस्पेन्स र एक्शनकै वरिपरि घुमेको बुझ्न सकिन्छ । 

म्युजिक भिडियोमा चर्चित अनुहार शिल्पाको यो नै डेब्यु फिल्म हो । फिल्मलाई छविराज प्रोडक्सनको ब्यानरमा दिजेन्द्र शाक्यले निर्माण गरेका हुन । त्यस्तै फिल्मलाई नवल नेपालले निर्देशन गरेका हुन भने फिल्मको कार्यकारी निर्माता छविराज ओझा हुन । फिल्ममा आर्यन र शिल्पासँगै मिथिला शर्मा, हिउँवला गौतम, किरण केसी लगायतको अभिनय रहेको छ ।

यसअघि फिल्म लोफर निर्माण गरेको छविराज प्रोडक्सनको फिल्म लज्जा यसबर्षको प्रतिक्षित फिल्मको लिस्टमा परिसकेको छ । फिल्म आउदो तिहारको अवसरमा कार्तिक महिनामा रिलिज गरिनेछ ।