सोनामको छोटो स्कर्ट लगाउने रहर पूरा

जेष्ठ १३ ,

                कलाकार हुनुको घाटा भनेको व्यक्तिगत जीवन ध्वस्त हुनु हो । सेलिबि्रटी भएपछि सार्वजनिक रूपमा हिँडडुल गर्न र रमाउन गाह्रो हुन्छ । तर कलाकार त्यस्ता भाग्यमानी पनि हुन्, जो एउटैले धेरै जीवन र भोगाइ जिउन पाउँछ । यस्तै नयाँ भोगाइ नायिका सोनाम कपुरले पनि हालै गर्न पाइन् । स्कुले जीवनमा समेत मन लागेको स्कर्ट लगाउन नपाएको रहर उनले फिल्मबाट पूरा गरेकी छन् । उनी फिल्म 'रान्झना' मा जोया नामकी एक स्कुले छात्राको भूमिकामा देखिँदै छिन् । 'वास्तविक जीवनमा म यस्तो स्कुलमा पढ्थें जहाँ केटीहरुले छोटो स्कर्ट लगाउन पाउँदैनथे । तर यो फिल्मको सुटिङमा भने मैले एकदमै मज्जा लिएँ ।

              छोटो स्कर्ट लगाएर केटाहरुसँग खुबै मज्जा गरें जुन मैले आफ्नै स्कुले दिनमा पनि गर्न पाएकी थिइनँ,' सोनामले खुसी हुँदै आफ्नो अनुभव सुनाएकी छन् । 'सावरिया' फिल्मबाट बलिउडमा डेब्यु गरेकी अनिल कपुर पुत्रीलाई उक्त फिल्मले पनि शालीन युवतीको परिचय दिलाएको थियो । तर यतिबेला भने उनले जोयाको भूमिका निर्वाह गर्न जया भादुरीको फिल्म 'गुड्डी' हेरिरहेको पनि बताईन् । '

               रान्झना' मा सोनाम 'कोलावरी डी' गायक धनुषसँगै अभय देओलका साथमा देखिनेछिन् । एक महिनापछि रिलिज हुने फिल्ममा सोनामले मुसलमान युवतीको भूमिकामा खेलेकी छन्, जो एक हिन्दु युवकसँग प्रेम गर्छे ।